ياااااااااااااااااااالاهوي هي وصلت لكده فضيحه فضيحه فضيحه

عدنا من جديد لنرصد اهم واكبر حدث عن شركه تراست للصناعات الكيماويه ببورسعيد شايفين الصوره دي؟ لا طبعا اكيد مش شيفنها كويس اضغط على الصوره وارجعلي تاني وعشان ما تهوش في المكان الي كنت بتقرأ فيه هحطلك طوبه او ماسوره صرف صناعي او شويه ميه نار مكان الحته الي هتقف فيها لما تدوس على الصوره او اقول لكم هعلم الكلام باللنون الاحمر تمام كده شوفت الصوره ورجعت فهمتوا حاجه؟ حسيتوا بحاجه؟ شوفتم الخيبه الي احنا فيها اولا الصوره دي موجوده الان عند معديه بورفؤاد واحده على الشمال ناحيه بورسعيد عند قسم الميناء والثانيه موجوده بورفؤاد عند موقف التاكسيات ياااااااارب تكونوا فهمتم حاجه والي مش فاهم افهمه من عيوني شركه تراست صاحبه التلوث البيئي الكبير بمصر وصاحبه الامتياز في تدمير بورسعيد بالكامل لو قامت المرحله الجديده بالشركه والتى سيصنع فيها مواد شديده الانفجار والخطوره تتعاون مع جمعيه اصدقاء البيئه طيب ايه شبه التعاون ان تراست بجلاله قدرها عامله جائزه قيمتها الف جنيه لمن يقدم بحث عن التلوث البيئي وشهادات تقديربالتعاون مع محطه كهرباء بورسعيد طيب ايه علاقه كهرباء بورسعيد في الموضوع! كل هذه الاسئله سنجيب عنها الان تحاول تراست ان تكسب كل من سيقف ضدها فبعد الحمله الشرسه التي قمنا بها ضد هذه الشركه الخطيره على بورسعيد وامن مصر قررت اداره تراست التعاون مع جمعيه اصدقاء البيئه عشان تقول للناس والرأي العام احنا مع حياه نظيفه احنا ضد تلوث البيئه طبعا العيب مش على الشركه العيب على الجمعيه الى سمحت بكده وطعا الجمعيه معملتش كده لله او لسواد عيون تراست ابدا هي عملت كده عشاااااااااااااان افهموها انتم بقى طيب ايه علاقه محطه الكهرباء بالجمعيه بتراست؟ اقول لسيادتكم المحطه دي هيا الي ماسكه مشروع تراست بشرق التفريعه (الاراضي الي احنا قولنا عليها بالمستندات انها اخذت دون وجه حق) اظن كده اكيييييييد انتم عرفتم سر وضع اليافطه دي بزمتكم دي مش اسمها بجاحه (الا بالمناسبه هي بجاحه دي تعتبر سب وقذف؟) وتابعونا يوميا حتى يوم 25/11/2008 يوم النطق بالحكم في القضيه المرفوعه ضدي من تراست واقبل ما اخلص كلامي عايز اشكر عزيزي المناضل على اهداءه هذه الصوره للحقيقه المصريه وتقريبا كده قريب هبيع ليه المدونه وهو هيدلكم الفيتامين كله والمستندات الي كل يوم ابو قرنين يدخل من عندهم يشوف المدونه عشان يعرف انا نشرت المستندات دي ولا لسه طبعا مش عميل وعلى فكره عميل بتاعتي تختلف عن عميل اليساريين والليبراليين والسياسيين لان ده فعلا يعتبر عميل بجد ضد مصر وبالمناسبه دي انا هقدم في المسابقه دي وحط في البحث معظم المستندات التى حصلت عليها والتي تؤكد كوارث وخطوره هذه الشركه على بورسعيد بعد ما طردوها من الهند بحكم قضائي على يد حبيب قلبي ونور عيني القاضي اكبر باشا الذي اصدر هذا القرار بمحكمه الهند بطرد هم من الهند بالكامل عشان يجوا لبلد زي مصر ومدينه زي بورسعيد يدمروها ويمشوا بالتأكيد الشركه كده عرفت حاجه من المستندات التي حصلت عليها والحاجه التانيه بعض الشرفاء الي مش عايزين بورسعيد تلاقي نفس مصير الهند وقد تم نشر هذا الموضوع بالمجمع العالمي للمدونات اضغط هنا وقبل ما اخلص نقول ايه ايوه شطااااااااااااار سلملي على الطبق يا اسامه

...إقرأ المزيد